12/12/2016
Cristiano Ronaldo është zgjedhur fitues i ‘Topit të Artë’ për vitin 2016.
Fitimi i ‘Topin të Artë’ nga Ronaldo, i dhuruar nga gazeta franceze, France Football, ishte i katërti personal për sulmuesin portugez të Real Madridit.
Kjo pasi, Ronaldo e kishte fituar edhe më herët në vitin 2008, 2013 dhe 2014, por prapë ka një çmim më pak se Lionel Messi, i cili e ka fituar pesë herë, shkruan Telegrafi.
Megjithatë, interesante e gjithë kësaj është se ky çmim i madh individual që nga viti 2008 është fituar nga dyshja, Messi-Ronaldo.
Vlen të theksohet se Ronaldo e meritoi çmimin e sivjetmë pasi gjatë vitit 2016 e ka fituar Ligën e Kampionëve me Real Madridin, kurse me kombëtaren e Portugalisë është shpallur Kampion i Evropës. /Telegrafi/
