MLS ka marrë vëmendje të madhe në botë dhe kjo falë transferimit të Lionel Messit te Inter Miami.
Derisa për ligën amerikane raportohej shumë pak, duke ditur se futbolli atje nuk është shumë i popullarizuar si në Evropë, tani kjo gjë ka ndryshuar paksa me shkuarjen e argjentinasit.
Por, kush janë aktualisht lojtarët më të vlefshëm në ligën amerikane?
Sipas Transfermarkt, këta janë futbollistët më të shtrenjtë në MLS:
1. Leo Messi 35 milionë euro,
2. Thiago Almada 20 milionë euro,
3= Sebastian Driussi 15 milionë euro,
3= Talles Magno 15 milionë euro,
5= Hany Mukhtar 12 milionë euro,
5= Lorenzo Insigne 12 milionë euro,
7= Facundo Torres 10 milionë euro,
7= Cucho Hernandez 10 milionë euro,
9. Diego Rossi 9.5 milionë euro,
10. Evander 9 milionë euro.
Nëse keni ndjekur të gjitha këto gjëra të El Galactico Inter Miami, mund të pyesni veten se ku është Sergio Busquets. Puna është se ai vlerësohet me vetëm 5 milionë euro dhe në këtë pikë është koha për të thënë diçka se si Transfermarkt i vlerëson lojtarët.
Nuk ka gjë të tillë si një vlerë objektive e transferimit. Një lojtar ka një vlerë të caktuar për klubin e tij ose klubet e interesuara për shërbimet e tij.
Transfermarkt është thjesht një vlerësim i bazuar në të dhëna nga tifozët e futbollit. Është i mirë si një përafrim dhe ndihmon në formimin e opinioneve për lojtarët. /Telegrafi/