Tifozët e vërshëllyen Benzeman, Ronaldo kërkon nga ta mos ta bëjnë një gjë të tillë (Video)

Karim Benzema nuk është duke kaluar nëpër një formë të mirë.

Sulmuesi francez ka dëshpëruar me paraqitjet e tij në ndeshjet e fundit dhe kjo ka bërë që të irritohen tifozët e Real Madridit.

Benzema nuk ka arritur të shënoj gol në La Liga këtë edicion në shtatë ndeshjet e fundit.

E në takim ndaj Real Sociedadit që Real Madridi e fitoi me rezultat 5-2, francezi i irritoi edhe më shumë tifozët madrilen.

Ishin minutat e fundit të ndeshjes kur Benzema pati një rast të mirë shënimi por dështoi ta dërgoi topin në rrjetë nga afërsia.

Lexo po ashtu Zidane: Duhet të korrigjojmë disa gjëra para ndeshjes me PSG-në, Ronaldos nuk po i mungojnë golat

Kjo ka bërë që tifozët e pranishëm në ‘Santiago Bernabeu’ ta vërshëllejnë francezin.

E sjellja e tyre nuk i ka pëlqyer Cristiano Ronaldos i cili është drejtuar nga tribuna dhe kërkoi nga tifozët ta duartrokasin Benzeman dhe mos ta vërshëllejnë.

Por duket se as reagimi i Ronaldos nuk ka bërë punë pasi tifozët nuk e kanë duartrokitur francezin.

30-vjeçari këtë edicion ka arritur të shënoj vetëm dy gola në La Liga ndërsa është aktivizuar në 16 ndeshje.

Sipas medieve spanjolle Benzema po e kalon stinorin e fundit si futbollist i Real Madridit pasi do të largohet në fund të këtij kampionati. /Telegrafi/

https://www.youtube.com/watch?time_continue=47&v=sQKjeyuXc3o