Site icon Telegrafi

Stuhia e të ftohtit shkakton situatë kaotike në SHBA, dhjetëra mijëra shtëpi mbesin pa energji elektrike – pesë shtete shpallin gjendjen e jashtëzakonshme

Burim Tmava

Rreth 70 milionë amerikanë janë goditur nga një stuhi e të ftohtit në verilindje të SHBA-ve, ku erërat e “akullta” kanë paralizuar trafikun dhe ia kanë marrë jetën një shoferi veri të New Yorkut.

Kryetari i New Yorkut, Eric Adams, ka vizituar mbrëmë Bronxin, ku u ka bërë thirrje qytetarëve të qëndrojnë nëpër shtëpitë e tyre duke i paralajmëruar se nuk mund “të shtyhen me nënën natyrë”, transmeton Telegrafi.

Pesë shtete amerikane kanë shpallur gjendjen e jashtëzakonshme, e deri më tani në SHBA janë anuluar mbi 6000 fluturime. Kjo është stuhia e dytë e të ftohtit që po godet në verilindje të SHBA-ve, kur në fillim të janarit u godit nga Georgia e deri në Quebec. Dhjetëra mijëra njerëz, si pasojë e të ftohtit kanë mbetur pa energji elektrike.

Në Atlantic City dhe New Jersey të enjten janë regjistruar të reshura rekord të borës, duke arritur trashësia në 84 centimetra. Rekordi i mëparshëm që goditi këtë zonë ishte janari i vitit 1987 me 52 centimetra.

Në parkun e New Yorkut janë evidentuar reshje të mëdha të borës. Vetëm mbrëmë trashësia e borës ka shkuar në 19 centimetra, duke lënë pas rekordin e vitit 1904 që ishte 12 centimetra.

Parashikuesit e motit thanë për CNN, se do të mund të ketë reshje bore deri në dy metra në Long Island dhe Road Island, Masachussetts dhe Neë Hempshire e Meine. /Telegrafi/

 

 

Exit mobile version