Spasovski: Akvititetet zbuluese për krimin janë rritur për 11 përqind

Ministri i Punëve të Brendshme Oliver Spasovski, sot deklaroi se aktivitetet zbuluese për krimin në përgjithësi janë rritur për 11 përqind në nëntë muajt e parë të vitit 2023, në krahasim me vitin e kaluar.

Ai tha se në pjesën e vjedhjeve të rënda, gjatë vitit 2023 ka pasur ulje të kësaj vepre penale për 28 përqind, në krahasim me vitin 2022, përcjell Telegrafi Maqedoni.

“Krahas kësaj, shkeljet në vitin 2023 në fushën e rendit dhe qetësisë publike janë ulur me 17% krahasuar me nëntëmujorin e vitit 2022. Gjithashtu, përsa i përket sigurisë në komunikacion, me kënaqësi mund të konstatoj se është shënuar një ulje prej 3% e aksidenteve në komunikacion me pasoja më të rënda dhe vetëm në 9 muajt e parë të këtij viti janë realizuar 783 aktivitete parandaluese me tema të ndryshme në zonën e SPB Veles”, informoi ministri Spasovski.

Ai thotë se në periudhën në vijim do të vazhdojë dinamika në rritje si e aktiviteteve parandaluese ashtu edhe të masave represive në këtë fushë, ndërsa takimet me qytetarët në kuadër të “Kabinetit të Hapur” do të jenë motiv për rezultate edhe më të mira./Telegrafi/