Si të keni vetulla të trasha dhe të mrekullueshme?

Vetullat e trasha janë hit tani e disa sezone, gjë që pritet të vazhdojë edhe më tej. Në këtë aspekt, për shumë femra frymëzim ka qenë manekinia Cara Delevingne me vetullat e sa j tepër të trasha.

Trendi i vetullave të plota vazhdon të jetë në modë dhe i preferuar nga shumë të famshme. Por, nëse doni që vetullat e tilla të duken bukur, duhet që t’u jepni një formë të mirë. Këndi i brendshëm i tyre duhet të jetë në të njëjtin rrafsh me rrënjën e hundës.
Para se të filloni me shkuljen e vetullave, të gjitha zbrazëtitë duhet t’i mbushni me laps kozmetik. Pas kësaj, vetullat duhet t’i krihni në drejtim të ballit.

Zgjerojeni harkun e vetullave!
Pasi që keni shkulur qimet e tepërta të vetullave, vendoseni pincën në diagonale nga këndi i brendshëm i syrit deri te pika më e lartë e vetullave dhe me laps mbushni zbrazëtitë. Në fund, në vetulla qitni pak pudër shkëlqyese, e cila do të thithë yndyrën e tepërt.

Vetullat e dendura
Nëse nuk keni vetulla të dendura, ato mund t’i bëni me pak mjeshtëri. Theksoni vetullat me disa lëvizje të shpejta të lapsit. filloni nga këndi i brendshëm, duke shkuar kah ai i jashtmi, kurse zbrazëtitë e mbetura mbushni me pudër për vetulla. Në fund, qitni edhe pak dyllë për vetulla, në mënyrë që kjo pamje të jetë e qëndrueshme.
/Telegrafi/