Shpërthim me bombë të vendosur në veturë, shtatë të vdekur dhe dhjetëra tjerë të plagosur në Siri

Të paktën shtatë persona janë vrarë në një shpërthim me bombë të vendosur në veturë që synonte një treg të frekuentuar në veri të Sirisë, shkruan BBC.

Dhjetëra të tjerë u plagosën kur shpërthimi ndodhi në tregun qendror të qytetit Azaz në provincën Aleppo, pranë kufirit turk, transmeton Telegrafi.

Pamjet e pasojave treguan trupa të shtrirë në tokë, ndërtesa të dëmtuara dhe mbetje të një veture në flakë.

A car bomb explosion in the city of Azaz resulted in at least 6 deaths and 20 injuries tonight. pic.twitter.com/3bpcETTBqt

— Levant 24 (@Levant_24_) March 30, 2024

Është e paqartë se kush e kreu sulmin në qytetin që drejtohet nga milicitë proturke. Asnjë nga këto grupe deri më tani nuk e ka marrë përgjegjësinë për sulmin.

Kur shpërtheu bomba, tregu ishte i mbushur me blerësit që blinin rroba të reja për fëmijët e tyre përpara festës së Fitër Bajramit, që shënon fundin e muajit të Ramazanit.

A car bomb exploded on Al-Jisr Street in Azaz, injuring many people. pic.twitter.com/lEVGxIzKPy

— Levent Kemal (@leventkemaI) March 30, 2024

Helmetat e bardha, një grup vullnetar shpëtimi që operon në Siri, tha se dy fëmijë ishin në mesin e të vdekurve.

Azaz kontrollohet nga milicitë që luftojnë presidentin sirian Bashar Al-Assad në luftën e vazhdueshme civile të vendit. /Telegrafi/