Selena Gomez dhe Benny Blanco debutuan me kostumin e të tyre të parë të shtunën në mbrëmje, vetëm disa ditë para Halloween.
Këngëtarja 32-vjeçare dhe producenti 36-vjeçar filluan të takoheshin në mesin e vitit 2023, por nuk u bënë publik deri në atë dhjetor, pas Halloween.
Tani, me romancën e tyre që lulëzon para syve të botës, Selena postoi me krenari pamjet e saj dhe Bennyt të koordinuara për Halloween, shkruan DailyMail.
Në një album simpatik të postuar në Instagram, Selena mund të shihej e veshur si Alice In Wonderland, ndërsa Benny u transformua në “Mad Hatter”.
Disa nga fotografitë treguan Selenën të ulur në një divan, teksa Benny qëndronte në majë të jastëkëve pranë saj me një shprehje marramendëse që i përshtatej karakterit të tij.
Duke i bërë jehonë një prej vargjeve të famshme të Alice, Selena shkroi në mbishkrimin e saj: “Më kureshtare dhe më kureshtare”.
Selena gjithashtu mori shfaqjen në InstaStories, duke postuar një fotogafi solo të saj të veshur si krijimtaria më e famshme letrare e Lewis Carroll. /Telegrafi/
