Sekuestrohen 91 kilogram marihuanë në Kërçovë, arrestohen tre persona (Foto/Video)

Policia e Maqedonisë njofton se dje në Kërçovë ka arrestuar tre persona nga Shkupi dhe janë sekuestruar 91 kilogram marihuanë.

MPB-ja tek Prokuroria Themelore ka ngritur padi penale ndaj personave të arrestuar dhe tre personave tjerë dy nga Struga dhe një nga Shkup9i, për shkak të dyshimeve për kryerjen e veprës “prodhim të paligjshëm dhe lëshim në treg të lëndëve narkotike”, njofton Telegrafi Maqedoni.

“Të paditurit e kanë marrë marrihuanën nga Shqipëria dhe e kanë vendosur në Strugë, me qëllim që ta transportojnë në Shkup. Dje në mëngjes marihuana është planifikuar të transportohet në Shkup dhe është vendosur në makinën Mercedes me targa të Shkupit”, tha në konferencë zëdhënësi i MPB-së, Toni Angellovski.

Ai tha se policia ndalimin e kontrabandimit të drogës e kanë bërë pas një plani operativ.

“Personave S.O (22) S.F (22) dhe I.F (24) nga Shkupi, nga ana e gjykatësit të procedurës paraprake ju është shqiptuar masa e paraburgimit prej 30 ditëve. Ndërsa E.M (25) nga Struga ka qenë më herët i dënuar dhe është dërguar në burgun e Idrizovës, kurse personat H.F (23) nga Shkupi dhe B.K (23) nga Struga akoma janë në kërkim”, tha Angellovski./Telegrafi/