Rrugët që ndoqën kampionët francezë të ‘98-s

Pas stërvitjeve, ndeshjeve përgatitore e publikimit të listave, që mund të duken edhe si një “jetë e tërë”, “Euro 2016” nis këtë javë.

Pasi turneu mbahet në Francë, nuk është e vështirë të mos mbahet në mend hera e fundit që ky vend organizoi një turne të madh, “Botërorin 1998” që u përshkua me incidentin ndërmjet Diego Simeones e David Beckhamit, pastaj daljen në skenë të brazilianit Ronaldo, goli i bukur i Dennis Bergkampit, por storia e vërtetë e garës ishte shkëlqimi i Përfaqësueses së Francës që doli kampione, shkruan Daily Mail, transmeton “Koha Ditore”.

“Sportsmail” ka shikuar lojtarët që ia sollën Francës titullin atëherë dhe profesionet me të cilat merren tash.

Bernard Lama (portier)

Kishte qenë seleksionues i Kenias për dy muaj, para se të jepte dorëheqjen për mungesë profesionalizmi. Ai ka kaluar pesë vjetët e fundit duke u munduar të bindë vende të ndryshme për të përdorur shtetin Guyana si bazë për përgatitje për Lojërat Olimpike në Rio de Janeiro këtë vit.

Fabian Barthes (portier)

Gati menjëherë pas pensionimit, Barthez nisi një karrierë në moto-sporte. Ai në vitin 2014 mori pjesë në garën 24- orëshe të Le Mansit dhe përfundoi i 29-i.

Lionel Charbonnier (portier)

Aktualisht është trajner i Sa Majeste Sanga Balende në Republikën Demokratike të Kongos pas periudhës që kaloi si seleksionues i Tahitit dhe si trajner te skuadrat FC Sens dhe Atjeh United.

Vincent Candela (mbrojtës)

Candela e ka një film në emër të tij, duke punuar si aktor sinkronizues në edicionin italian të Shaolin Soccer. Më pas u paraqit në versionin italian të Dacing with the Stars në vitin 2014.

Bixente Lizarazu (mbrojtës)

Nisi të stërviste në Jiu Jitsu në vitin 2008 dhe u bë kampion evropian në nivelin me shirit të kaltër një vit më vonë. Ai po ashtu punon si analist në televizione franceze.

Laurent Blanc (mbrojtës)

Trajnerit të tashëm të Paris Saint-Germainit, pas dështimit për të fituar Ligën e Kampionëve këtë stinor, pritet t’i kushtojë me humbje të punës këtë verë. Por ka oferta për të.

Lilian Thuram (mbrojtës)

Ai ka një fondacion bamirës dhe është i përfshirë fuqishëm në protestat politike në Francë. Ai është parë në demonstrata për martesa të gjinisë së njëjtë dhe është figurë kyç në diskursin për racizmin nacional.

Frank Lebouef (mbrojtës)

Ai u shpërngul në Los Angles dhe luajti futboll një kohë, para se të përfshihej në aktrim, të cilin e kishte pasion të parë. Ai është paraqitur në filmin e Stephen Hawking “Teoria e çdo gjëje”, ku luajti rolin e mjekut.

Zinedine Zidane (mesfushor)

Kaloi disa vjet duke punuar nëpër grupmosha të reja të Real Madridit, para se të merrte drejtimin e skuadrës së parë këtë vit. Ai ka fituar Ligën e Kampionëve në tentimin e tij të parë si trajner.

Robert Pires (mesfushor)

Pires 42-vjeçar është pensionuar zyrtarisht nga futbolli në shkurt të vitit 2016, pas një viti të kaluar pa klub. Ai së fundi luajti për skuadrën FC Goa në Superligën e Indisë.

Patrick Vieira (mesfushor)

Ai është drejtues i New York City FC që nga fillimi i fushatës së ligës MLS në SHBA.

Didier Deschamps (mesfushor)

Didier Deschamps do ta drejtojë Francën në Kampionatin Evropian këtë verë. Ai ka kaluar kohën pas pensionimit i fokusuar në zejen e trajnerit.

Bernard Diomede (mesfushor)

Që nga viti 2008, Diomede ka drejtuar Akademinë Bernard Diomede në jug të Parisit.

Alain Boghossiuan (mesfushor)

Boghossian ka kaluar shumicën e kohës pas pensionimit duke kërkuar një punë si trajner, por nuk është emëruar asnjëherë. Ai po ashtu ka kaluar një kohë të madhe edhe në golf dhe siguroi një vend në turneun Masters 13 në kuadër të Tourit të Alpeve të vitit 2007.

Emmanuel Petit (mesfushor)

Petit 45-vjeçar ka qenë ambasador për Kupën e Botës të Pastrehëve që nga viti 2011. Ai po ashtu ka qethur flokët e tij të gjatë në të njëjtin vit për të mbledhur para për bamirësi.

Christian Kaembeu (mesfushor)

Karembeu është duke punuar për të zgjeruar A-Leaguen e Australisë për të përfshirë një skuadër nga Ishujt Paqësorë dhe ka organizuar seritë në televizionet franceze “Ishulli dhe njeriut”, që është program udhëtimi për vizitimin e ishujve më të bukur në botë. Ai po ashtu do të jetë analist këtë verë për Kampionat Evropian.

Youri Djorkaeff (sulmues)

Udhëheq organizata bamirëse në New York për të inkurajuar njerëzit të luajnë futboll. Ishte larguar nga posti i presidentit të skuadrës armene Decines në vitin 2015.

Stephane Guivarc’h (sulmues)

Është bërë një shitës i pishinave pasi një shok i tij, hidraulik, i kërkoi atij ta ndihmonte në biznesin e tij. Ai ka qenë i suksesshëm në industri për dhjetë vjet.

Thierry Henry (sulmues)

Thierry Henry është analist. Punon për Sky Sports gjatë stinorit të Premier League dhe do të jetë pjesë e ekipit të BBC-së për transmetim të ndeshjeve të “Euro 2016”.

David Trezeguet (sulmues)

Trezeguet është bërë ambasador për Juventusin menjëherë pas pensionimit. Ai udhëton nëpër botë duke punuar për imazhin e Juventusit.

Christophe Dugarry (sulmues)

Ka në pronë një bar, ndërsa punon edhe si analist dhe komentator për Canal Plus. Përballet rregullisht me kritika, pasi vlerësohet se mban anë për Bordeauxin.