Të martën te “Rruga A” në Prishtinë është rrëzuar vinçi ku po zhvillohen punime.

Drejtori për Siguri dhe Emergjenca në Komunën e Prishtinës, Lulzim Fushtica ka thënë për Telegrafin se i kanë dërguar ekipet në vendngjarje.

Ai tha se ende nuk dihen shkaqet e këtij rasti.

“Në vendngjarje janë inspektorët e punës dhe policia. Ende nuk dihen shkaqet”, ka thënë shkurt Fushtica.

Po ashtu, Vrojtuesit e Lagjes "Prishtinë",  kanë publikuar disa fotografi nga vendi i ngjarjes.

Telegrafi ka kontaktuar me Policinë, por deri në publikimin e lajmit nuk ka pranuar ndonjë përgjigje./Telegrafi/

LajmePrishtinaLokalePrishtina