Robin Krasniqi: Rrugën nuk ja kam lëshuar askujt

Në emisionin “21 Gradë” këtë mbrëmje është i ftuar kampion i dy titujve WBO dhe WBA, Haxhi Robin Krasniqi.

Duke folur për tema të ndryshme, junikasi tregoi se pëlqen që të ushqehet me ushqime tradicionale pasi që sipas tij “Ta ngijnë barkun”.

Njeri ndër sportistët më të suksesshëm kosovarë tha se si fëmijë ishte i urtë por poashtu e theksoi se ‘rrugën nuk ja ka lëshuar askujt’. Poashtu në emisionin “21Gradë”, Robini u shpreh se si i vogël kishte pasur mjaftë ‘përleshje’ të rrugës por duke qeshur tha se asnjëher nuk ka dalur humbës.

Për suksesin që ai e arriti, Krasniqi falenderon të gjithë përkrahësit e tij të cilët poashtu i quan meritorë për sukseset e tij por ai thotë se e gjithë Kosova ka ndikuar që ai të jetë njëri nga 14 bokserët më të mirë në botë.

Në pyetjen e Blerones se me cilin emër t’i drejtohet ai tregoi se janë dy emrat si Robin edhe ai Haxhi që mund t’i drejtohet por ai tha se “Në Kosovë jam Haxhi Krasniqi pasi që Robin është për mediat e huaja”.

Krasniqi në përballjen e fundit kundër Jurgen Doberstein është shpallur fitues në bazë të rezultatit të jurisë.