Reali më i fortë pa BBC, statistika që dëshmon se mbretërit janë të frikshëm pa treshen e famshme (Foto)

Real Madridi dhe trajneri Zinedine Zidane po ballafaqohet me një dilemë, e cila është pozitive.

Zidane duhet të zgjedhë më të mirën, mes dy të mirave – të luaj me një formacion 4-4-2 të balancuar me mesfushë, apo t’i besojë treshes sulmuese BBC.

Aktualisht, opsioni i parë mbetet i vetmi për Zidanen duke parë suspendimin e Cristiano Ronaldos me pesë ndeshje.

Lexo po ashtu Lajmet e fundit rreth Real Madridit

Që prej prillit, BBC nuk ka qenë në asnjë ndeshje bashkë. Treshja sulmuese u godit sa nga lëndimi i Bale, sa nga mungesat e Ronaldos në para-sezonë.

Dhe, nëse tifozët mendojnë se treshja sulmuese është vitale, rezultatet tregojnë diçka tjetër.

Që prej El Clasicos së fundit i mbajtur më 23 prill, BBC asnjëherë s’ka qenë bashkë.

Që prej asaj kohe, Reali ka zhvilluar 11 ndeshje, duke i fituar 10 prej tyre pa asnjë problem, apo në përqindje – 91 për qind fitore.

Më i dyshimti nga treshja është Gareth Bale i cili ka 198 ditë pa shënuar, teksa në tri herë minuta më pak është Asensio ai që bën diferencën duke shënuar gola dhe duke qenë shumë më efikas.

Zidane e ka pranuar se nuk mund të injorojë një fakt të tillë, që një lojtar me kaq pak hapësirë, bën kaq shumë diferencë.

Sigurisht, Asensio pritet të ketë hapësirën e vet në pesë ndeshjet e ardhshme, kur mungon Cristiano Ronaldo për shkak të përjashtimit në ndeshjen ndaj Barcelonës. /Telegrafi/