Rashford i preferuari i Valverdes, Barcelona bisedon me Unitedin

Barcelona ka bërë plane për transferimin e sulmuesit të Manchester Unitedit, Marcus Rashford, ndërsa thuhet se tashmë ka pyetur klubin anglez për të.

Sipas gazetës katalunase Sport, trajneri i Barcelonës, Ernesto Valverde dëshiron ta transferoi sulmuesin e Anglisë për tu bërë partner i dyshes, Lionel Messi dhe Luis Suarez.

Rashfordit i ka të mbetur vetëm edhe një vit në kontratën e tij me klubin nga Old Trafford dhe paga e tij prej 17 mijë eurosh në javë nuk përbën problem.

Lexo po ashtu Rashford refuzon ta nënshkruajë kontratën e re me Unitedin

Djajtë e Kuq kanë mundësinë ta mbajnë atë edhe për një vit ndërkohë që Real Madridi, Paris Saint Germain dhe Juventus janë po ashtu të interesuar për sulmuesin.

Megjithatë, Barcelona e ka bërë 21-vjeçarin prioritet në afatin e transferimeve të kësaj vere, por Unitedi do të ngurronte ta largonte përpara përfundimit të kontratës.

Megjithatë, presidenti i Barcelonës Josep Maria Bartomeu ka një marrëdhënie të mirë me drejtorin e Unitedit, Ed Woodward dhe ata besojnë se kjo mund të ndihmojë përpjekjen e tyre për ta transferuar. /Telegrafi/