Ramadani: Ende nuk ka kaluar pandemia, duhet të kemi kujdes  

Këtë javë ka rënë numri i atyre që janë prekur me COVID-19. Edhe pse tani ka më shumë të shëruar dhe më pak të preku, drejtori i Instituti Kombëtar i Shëndetësisë Publike të Kosovës (IKSHPK), Naser Ramadani, ka deklaruar se ende nuk ka kaluar pandemia dhe për këtë qytetarët e Kosovës duhet të kenë kujdes.

Ramadani tha se situata epidemiologjike është në kontroll, por sipas tij, COVID-19 paraqet një kthesë, jo vetëm në aspektin shëndetësor por në gjitha aspektet e jetës.

“Ne kemi bërë shumë përgatitje, nga paraqitja e virusit në Kinë. Ne kemi filluar testimin më 8 shkurt dhe kemi qenë njëri ndër shtetit e para në botë që kemi filluar testimin. Tani situata epidemiologjike është nën kontroll. Tani kemi rrethana lehtësuese, por jo rrethana që të lirohemi nga përmbajtja e rekomandimeve të IKSHPK-së dhe Ministrisë së Shëndetësisë”, tha ai.

Ramadani ka thënë për RTK-në se COVID-19 paraqet një kthesë historike të civilizimit, jo vetëm në aspektin shëndetësor, pore edhe në të gjitha aspektet e jetës.

“Tani jemi në rrënjë të lakores”, tha ai.

Drejtori i Instituti Kombëtar i Shëndetësisë Publike të Kosovës ftoi qytetarët të mos dalin sikur këto tri ditë, ku në disa vende ka pasur grumbullim të njerëzve dhe pa masa mbrojtëse.

Ramadani vlerësoi se rreziku më i madh do të  ishte nëse do të kishim të sëmurë nga personeli shëndetësor.