Publikohet video e momentit kur plagoset njëri nga familjarët e autorëve të vrasjes së Besar Nimanit

Është publikuar në mediat gjermane një fotografi ku shihet duke u plagosur një person, i cili thuhet se është i afërt me njërin nga autorët e vrasjes së boksierit kosovar, Besar Nimani.

Dje (e mërkurë) gjatë mesditës është mbajtur gjyqi ndaj Huseyin Akkurt, i cili akuzohet në lidhje me vrasjen e boksierit kosovar.

Pas përfundimit të seancës, në afërsi të Gjykatës janë dëgjuar të shtëna të shumta armësh në qendër të qytetit Bielefeld.

Lexo po ashtu Ndërron jetë njëri nga të plagosurit, dyshohet të jetë babai i të akuzuarit për vrasjen e boksierit kosovar

Nga të shtënat thuhet se kanë mbetur të plagosur tre persona, ku dy nga ta thuhet se ishin familjarë të autorit Akkurt, ku më vonë u tha se njëri nga ta edhe ndërroi jetë.

Mediat gjermane tashmë kanë publikuar një video ku shihet një burrë i plagosur në këmbë, ku një dëshmitar okular filmon skenat dramatike që ndodhën para gjykatës rajonale të mërkurën pasdite.

Detaje tjera pritet të vijnë gjatë ditës së sotme nga Gjermania, pasi deri tani është arrestuar një person dhe një tjetër edhe në kërkim. /Telegrafi/