Prishtina edhe sot me numrin më të madh të rasteve me COVID-19

Në 24 orët e fundit numri i rasteve të infektuarve me COVID-19 në Kosovë, ka shënuar rënie, me gjithsej 187  raste, prej të cilave gati gjysma nga Komuna e Prishtinës, ku sot janë regjistruar 92 raste.

Për dallim nga ditët e kaluara kur numri ishte mbi 200, sot janë regjistruar vetëm 187 raste të reja, ndërsa edhe numri i të shëruarve është rritur. Numri i të vdekurve ka shkuar në 104.

Prishtina vazhdon të jetë komuna me më së shumti raste. Vetëm sonte nga kjo komunë janë shënuar 92 raste.

“Rastet pozitive janë nga: komuna Prishtinë 92 raste, komuna Pejë 12 raste, komuna Gjakovë 12 raste, komuna Lipjan 11 raste, komuna Drenas 8 raste, komuna Fushë Kosovë 8 raste, komuna Mitrovicë 6 raste, komuna Ferizaj 5 raste, komuna Vushtrri 4 raste, komuna Suharekë 4 raste, komuna Obiliq 4 raste, komuna Gjilan 3 raste, komuna Malishevë 3 raste, komuna Prizren 3 raste, komuna Podujevë 3 raste, komuna Skenderaj 2 raste, komuna Klinë 2 raste dhe me nga 1 rast komunat: Deçan, Istog, Mitrovicë e Veriut, Rahovec dhe Shtime”, thuhet në raportin e IKSHPK-së. /Telegrafi/