Mërgim Berisha është bashkuar me skuadrën gjermane Augsburg në ditët e fundit të afatit kalimtar veror.
Sulmuesi shqiptar u huazua nga Fenerbahce te Augsburg pasi nuk kishte hapësirat e duhura në gjigantin turk.
Megjithatë vetëm pas tri ndeshjeve të zhvilluara me Augsburgun, Berisha ka treguar kualitetin që ka.
24-vjeçari ka shkëlqyer duke shënuar një gol e duke asistuar në një tjetër gjë që bëri skuadrën e tij t’i fitoj gjashtë pikë në dy sfidat e fundit.
Augsburgu ka vendosur ta blej Berishën dhe tanimë ka kontaktuar gjigantin turk Fenerbahce.
Skuadra gjermane ka vendosur të përdorë klauzolën e blerjes së kosovarit për shumën e katër milionë eurove.
Kujtojmë që Berisha më parë ka luajtur edhe për skuadra tjera si RB Salzburg, Liefering, Lask Linz, Altach e Magderburg. /Telegrafi/