Pesë arsye pse burrat e shkurtër bëhen bashkëshortë të shkëlqyer

Shumë gra bëhen për t’u rënë të fikët vetëm nga ideja e të paturit në krah një burrë të shkurtër

Si fillim, shoqëria na ka mësuar se burrat “supozohet” të jenë më të gjatë se gratë e tyre dhe së dyti, ekziston ideja se burrat e shkurtër janë më pak mashkullorë.

Mirëpo, ekspertët e shëndetit mendor zbuluan se burrat më të shkurtër janë material i shkëlqyer bashkëshortësh.

Një studim i vitit 2014 zbuloi se shkalla e divorcit me burra të shkurtër është dukshëm më e ulët se midis burrave mesatarë dhe të gjatë.

Këtu janë arsyet pse djemtë e shkurtër bëhen burrat më të mirë:

1. Janë plot vetëbesim

Në një botë ku djemtë e shkurtër shpesh anashkalohen thjesht për shkak të gjatësisë së tyre, ata arrijnë ta kompensojnë atë ‘defekt’ me vetëbesimin e tyre. Burrat e shkurtër ndonjëherë ndihen sikur kanë detyrimin për t’iu provuar vlerën e tyre të tjerëve dhe duke qenë kështu, përpiqen më fort për gjëra që burrat e gjatë i arrijnë më lehtë prej shtatit të tyre.

2. Të bëjnë të ndihesh mbretërore

Shikoni të gjitha modelet në botë. Çfarë kanë të përbashkët shumica e tyre? Zakonisht, ato janë më të gjata se burrat e tyre. Dakord, kjo edhe sepse janë vetë shumë të gjata përgjithësisht. Mund të mos jeni Gisele Bündchen, por me një mbret të shkurtër krah jush, do të dukeni po aq mbretërore dhe ju!

3. Ata jetojnë më gjatë!

Burrat e shkurtër jetojnë mesatarisht dy vjet më shumë se burrat më të gjatë. Një studim i fundit zbuloi se kjo mund të ketë të bëjë me një gjen që lidhet me jetëgjatësinë, shkruan Your Tango.

4. Janë më të përkushtuar

Meshkujt e shkurtër kanë shumë më pak gjasa të divorcohen sesa meshkujt mesatarë dhe të gjatë. Ndërsa burrat e gjatë duan të martohen më herët, martesat e tyre nuk zgjasin si ato të burrave të shkurtër. Kur bëhet fjalë për dashurinë, shkurtësia e shtatit kompensohet me jetëgjatësinë e një martese.

5. Ju japin më shumë mundësi për të krijuar lidhje

Gjatësia mesatare për meshkujt është 175 centimetra. Sapo të hiqni kërkesën absurde të gjatësisë, do të dyfishoni, ndoshta edhe trefishoni, shanset tuaja në dashuri. Burrat e shkurtër mund të jenë po aq seksi dhe simpatikë sa burrat e gjatë. Pra, mos jini kaq kritike, jepini një shans edhe burrave të shkurtër. /Telegrafi/