Për fëmijët nuk ekziston më as shija e fitores

Nga: Paolo Crepet

… Notat 4 në shkollë duhen, që ç’ke me të, sepse na bëjnë të kuptojmë kufijtë tanë dhe na bëjnë të kuptojmë se jeta nuk është e hileqarëve, siç besohet.

Jeta është një maratonë dhe çdo gjë duhet djersitur, e arritur me vështirësi.

Mësojmë se për të qenë të suksesshëm në jetë duhet talent dhe se 98 për qind e talentit është fryt i punës.

Disiplina: kjo është fjala kyçe. Aty buron talenti.

Sot, nga fjalori i edukimit janë zhdukur dy fjalë shumë të rëndësishme: dhimbje dhe lodhje.

I mbrojmë fëmijët nga gjithçka. Nëse do t’i detyronim fëmijët tanë të veshin pantallona të shkurtra për një ditë, do të vërenim se nuk ka më gjunjë të vrarë. Pasoja: brezi i sotëm është një brez i brishtë. Dhe, është faji ynë.

Dhimbjet që nuk i përjeton kur je i vogël do të të bëjnë të vuash kur të rritesh. Më mirë t’i vrisni gjunjët në moshën tetëvjeçare se sa 48-vjeçare.

Dikur nuk kishte celularë dhe fëmijët largoheshin nga shtëpia dhe nuk ishin të arritshëm nga prindërit dhe duhej t’ia dilnin mbanë vetë. Kështu rriteshin.

Fakti se rendin  gjithmonë për t’u ardhur në ndihmë fëmijëve, për të bërë gjëra për ta për t’i zëvendësuar në zgjidhjen e problemeve ua bën jetën të lehtë: për fëmijët nuk ekziston më as shija e fitores …