Denis Hajri, i cili mbeti i plagosur në përleshjen e të martës në Prishtinë, ka dalë nga salla e operacionit, ku iu nënshtrua ndërhyrjes kirurgjike.
Reperi i njohur Varrosi ndodhet i shtruar në Kirurgjinë Abdominale, ku edhe është operuar pas plagosjes që pësoi në zënkën mes reperëve.
Burimet e Telegrafit bëjnë të ditur se operacioni ka shkuar mirë dhe ai është në përmirësim e sipër.
Prognoza e mjekëve është e mirë dhe reperi pritet ta kalojë këtë gjendje shumë shpejt.
Ritheksojmë se zënka ndërmjet Noizyt dhe Cozmanit eskaloi në gjuajtje me armë, ku pos Varrosit u plagos edhe Rigels Rajku. Ndërsa Ylber Abdullahu dhe Albert Krasniqi ndodhen në mbajtje prej 48 orësh. /Telegrafi/
