Jose Mourinho është trajneri i i ri i Tottenham Hotspur, ndërsa me vete do ta ketë një asistent të ri.
Bëhet fjalë për Joao Sacramento, një 30 vjeçari relativisht i panjohur në botën e futbollit.
Jose Mourinho njihet për besnikërinë që e kishte ndaj asistentit të tij, Rui Faria, i cili kësaj radhe nuk do të jetë me të.
Faria ka shkuar si trajner i Al-Duhali në Katar, ndërsa tani njeriu më i afërt është, Joao Sacramento. Ai njihet nga tifozët e futbollit si asistent i trajnerit në Lille.
Portugezi ka punuar edhe me Leonardo Jardimin dhe Claudio Ranierin në Monaco.
Edhe pse Sacramento është më së shumti i njohur për stërvitjen e tij profesionale në Francë, asistenti i ri portugez ka një histori në Angli.
Sacramento studioi dhe mori gradat e tij Bachelor dhe Master në Universitetin e Glamorgan në Uellsin e Jugut.
Në atë kohë ai ishte gjithashtu pjesë e departamentit të skautëve të Cardiff City FC dhe ndihmës trajner i ekipit U15 nga 2009 deri në 2011. /Telegrafi/
