Një kalimtar që reagoi me shpejtësi është vlerësuar si hero, pasi shpëtoi me vështirësi një foshnjë në karrocë që po shkonte drejt një rruge ku lëviznin vetura me shpejtësi deri në 80 kilometra në orë.
Sipas mediave të huaja, përcjell Telegrafi, pamjet mahnitëse tregojnë karrocën duke lëvizur në një hapësirë me pjerrësi gjatë një ere në Hesperia, Kaliforni, ndërsa kujdestarja shkarkon makinën e saj.
Gruaja, që besohet të jetë tezja e foshnjës, përballet me një situatë që askush nuk do të dëshironte të ishte.
Ajo shpejt pengohet dhe bie në tokë, ndërsa karroca shkon drejt një autostrade afër me katër linja.
Në nxitimin për t’u ringritur në këmbë, gjuri i saj i djathtë duket se e tradhton, duke e detyruar atë të bërtasë e pafuqishme.
Por për fatin e saj të saj dhe të fëmijës, një burrë shihet duke vrapuar dhe duke kapur karrocën vetëm pak metra para se të kishte arritur në autostradë. /Telegrafi/