Në Kumanovë bëhet regjistrimi i ujëmatësve

Katër ekipe të Ndërmarrjes Publike ‘Ujësjellës’ këto ditë janë duke realizuar fazën e dytë të regjistrimit të ujëmatësve për shërbimet e shfrytëzuesve, përfshirë edhe për personat fizikë, përcjell Telegrafi Maqedoni.

Aksioni, siç informojnë kompetentët kanë për qëllim të konfirmojnë numrin e saktë të shfrytëzuesve në Kumanovë.

‘Kjo është faza e dytë e realizimit të regjistrimit të ujëmatësve. Për momentin, ekipet shkojnë në terren në këto pjesë dhe lagje të qytetit ku shfrytëzuesit shfrytëzojnë edhe ujë nga ‘Ujësjellësi’, por edhe ujë nga puset dhe bunaret. Qëllimi jonë është të konfirmojmë sa sasi shpenzohet nga ndërmarrja, ndërsa sa nga bunaret, që të marrim të dhëna për konsum të ujit të qytetit’, ka deklaruar drejtori i NP ‘Ujësjellës’, Goran Stojkovski.

Ky aksion sipas Stojkovskit është pjesë e masave të cilët janë ndërmarrë që të përmirësohet efikasiteti i ndërmarrjes dhe të përmirësohet cilësia e shërbimeve ndaj qytetarëve.

NP ‘Ujësjellësi’ ka regjistruar 31.500 ujëmatës’, nga të cilat 28 mijë i shfrytëzojnë personat fizikë, kurse 3.500 personat juridik. /Telegrafi/