Ndërron komanda e KFOR-it, nga gjenerali turk Ulutash tek gjenerali italian Barduani

Në kampin “Film City” në Prishtinë është mbajtur  ceremonia e ndërrimit të komandës së KFOR-it.

Gjeneralmajori i Ushtrisë Turke, Ozkan Ulutash ia ka dorëzuar komandën e KFOR-it gjeneralmajorit të ushtrisë italiane, Enrico Barduani.

Në këtë ceremoni ka marr pjesë presidentja Vjosa Osmani, kryeministri Albin Kurti, ministra e ambasadorë të huajë në Kosovë.

Presidentja e Kosovës, Vjosa Osmani deklaroi se gjatë 25 viteve bashkëpunim me KFOR-in kanë pasur edhe sfida.

“Gjatë këtyre 25 viteve ka pasur sfida, ato më të zëshmet kanë qenë ato të shtatorit të vitit të kaluar. Dëshirojë të falënderojë forcat e Kosovës që qëndruan me ne gjatë këtyre kohërave të vështirave dhe posaçërisht gjeneralin Ulutash për pajisjet logjistike që na ndihmuan për ta mbajtur Policinë e Kosovës të sigurt dhe gjeneral Ulutash për profesionalizmin tuaj”, tha ajo, raporton KP.

Në ceremoninë e ndërrimit të komandës së KFOR-it, presidentja e shtetit u shpreh populli i Kosovës do të vazhdojnë të punojnë ngushtë me misionin e KFOR-it.

“Për 25 vjet keni kaluar me ne në çdo hap, për ta bërë Kosovën një vend të qetë, të sigurt dhe paqësor. Misioni i suksesshëm dhe më i gjatë është ai i KFOR-it….në emër të vendit tim dëshirojë të tregojë dhe të zotohem edhe një herë se populli i Kosovës, institucionet tona do të vazhdojnë të punojnë ngushtë me KFOR-in, siç kemi punuar edhe në të kaluarën për të treguar që Kosova mbetet një vend i qetë dhe i sigurt dhe paqësor, që ofron siguri dhe prosperitet qytetarëve, pavarësisht prejardhjes së tyre”, tha ajo.

Gjeneral Majori Enrico Barduani është oficeri i 14-të italian që merr komandën dhe do të jetë komandanti i 29-të i KFOR-it.