Nainggolan dhuron spektakël, Roma kualifikohet në çerekfinale (Video)

Roma ka arritur të shënoi një fitore të lehtë përballë Sampdorias në kuadër të Kupës së Italisë.

‘Giallorosët’, triumfuan me rezultat të thellë 4-0 për të kaluar në çerekfinale të Kupës italiane ku do t’i pret Cesena.

Nga minuta e parë e ndeshjes u dok qartë që Roma do ta fitojë këtë takim pas insistimit për të shënuar gol.

Në minutën e 25-të, mesfushori Leandro Paredes goditi bukur por golin ia mohoi shtylla.

Minuta e 39-të e ndeshjes solli edhe golin e parë, gol që ishte i jashtëzakonshëm i shënuar nga Radja Nainggolan me një goditje të fuqishme.

Me epërsinë minimale 1-0 dy skuadrat shkuan në pushim.

Edhe në pjesën e dytë Roma filloi fuqishëm duke kërkuar golin e sigurisë.

Tre minuta pasi filloi pjesa e dytë, Edin Dzeko arriti të shënoi golin e dytë pas një asistimi të bukur nga El Shaarawy.

Boshnjaku nuk vonoi dhe ia ktheu asistimin El Shaarawyt i cili shënoi për 3-0 në minutën e 61-të.

Ndërkohë për golin e fundit në ndeshje u përkujdes sërish mesfushori belg Radja Nainggolan që shënoi në minutën e 90-të për 4-0.

Pas kësaj fitore, Roma ka kaluar në çerekfinale të Kupës së Italisë ku do të përballet me Cesenën. /Telegrafi/

https://www.youtube.com/watch?v=Kj_j-ryj25s

https://www.youtube.com/watch?v=FJB3ec2969M