Nagavci: Serbia po nxiton për marrëveshje, është e qartë se Kosovës as vizat nuk po i liberalizohen (Video)

Deputetja e Lëvizjes Vetëvendosje, Arbërie Nagavci ka thënë se nuk mund të vazhdohet tutje me bisedime, pa parë se çfarë është arritur deri më tani.

Ajo në emisionin “Debat Plus” me Ermal Pandurin në RTV Dukagjini ka thënë se subjekti i saj politik është për një konsensus të gjerë që do të përfshij edhe akademikët e intelektualët tjerë.

Sipas Nagavcit, Serbia është duke bërë hapa para drejt BE-së, ndërsa Kosova po shihet se nuk do të marrë as liberalizimin e vizave.

“Ne jemi dëshmitar se po që nuk po shkojmë para, pasi edhe vendet që na kanë përkrahur janë shumë pesimist, dhe është e qartë se nuk do të kemi liberalizim të vizave”.

Deputetja e Vetëvendosjes thotë se koha nuk po pret për Serbinë, dhe arritja e shpejt e marrëveshjes është në interes të saj.

“Serbisë po i ngutet në arritjen e një marrëveshje, derisa Kosova nuk ka asnjë nxitim të ndihmojë Serbinë të bëj hapa para në integrimet evropiane”, tha Nagavci. /Telegrafi/