MSH: Për pacientët me sëmundje të rralla është siguruar dhe dorëzuar ilaçe për tre muajt e ardhshëm

Ministria e Shëndetësisë informon se ilaçet e tabletave për personat me sëmundje të rrallë që janë regjistruar në regjistrin elektronik për sëmundje të rralla për muajt prill, maj dhe qershor janë siguruar dhe dorëzuar, njofton Telegrafi Maqedoni.

Ky grup pacientëve janë siguruar me terapinë e nevojshme për periudhën vijuese. Ata pacientë që marrin terapi me ampulë u sigurohet qasje e sigurt dhe e izoluar në klinikat përkatëse. Me këtë, pacientët mbrohen nga vizitat në Klinika dhe nga rreziku i mundshëm i infektimit me COVID-19 në periudhën vijuese.

Njëkohësisht me fillimin e coronavirusit në vend, u bë një shpërndarje për të gjitha institucionet e shëndetit publik që trajtojnë pacientët me sëmundje të rralla. Aktualisht nuk ka mungesë të asnjë ilaçi, dhe pacientët kanë marrë terapi për 2-3 muaj. Për shumicën e ilaçeve në Klinika kanë ilaçe deri në qershor 2020.

Që nga marsi i vitit 2020, 530 persona me sëmundje të rralla janë regjistruar në Regjistër. Nga këto, mbi 150 janë me fibrozë cistike, për të cilën terapia ofrohet përmes Fondit të Sigurimeve Shëndetësore.

Sa i përket numrit të pacientëve që janë në terapi në vitin 2015, programi ka përfshirë rreth 96 pacientë, në 2018 rreth 140 pacientë, në 2019 rreth 170 pacientë, ndërsa në vitin 2020 programi do të përfshijë mbi 185 pacientë + 150 me fibrozë cistike./Telegrafi/