Chelsea është duke kërkuar një portier, mirëpo duket se nuk do të arrijë ta transferojë njërën nga shënjestrat kryesore, Mike Maignan.
Siç bën të ditur Foot Mercato, plani i Bluve për ta marrë në Stamford Bridge portierin e Milanit duket të ketë dështuar.
Francezi nuk është i interesuar të transferohet te klubi nga Liga Premier, duke qenë se ata nuk bëjnë gara në Evropë në sezonin e ri.
Maignan u ndihmoi Rossonerëve që ta fitonin titullin në sezonin 2021/2022, ndërsa në edicionin që sapo përfundoi arritën deri në gjysmëfinale të Ligës së Kampionëve.
Njësoj sikurse portieri, edhe Milani nuk dëshiron që ta lejojë largimin e tij, duke qenë se e konsideron ndër lojtarët kryesorë dhe tashmë e ka refuzuar ofertën e parë të Chelseat. /Telegrafi/
Top Lajme
Promo Reklamo këtu
Jobs
Deals
