Lionel Messi është treguar sërish vendimtar për skuadrën e tij Inter Miami, duke shënuar një gol fantastik në barazimin 1-1 kundër Charlotte.
Ylli argjentinas pranoi një top jashtë zonës nga Weigandt dhe me një goditje të fuqishme realizoi për të barazuar rezultatin në 1-1.
Ky ishte goli i 17-të i Messit në paraqitjen e tij të 19-të me fanellën e Inter Miami këtë sezon, derisa ai ka edhe 12 asistime për bashkëlojtarët e tij.
Inter Miami është ende në vendin e parë në tabelën e Konferencës Lindore me 65 pikë të fituara nga 31 ndeshje të luajtura, ndërsa Charlotte është e shtata me 42 pikë.
Messi do të ketë mundësinë të shënojë një gol të ri me fanellën e Interit pas disa ditësh, kur është planifikuar të vizitojë Columbus, ndërsa Charlotte do të presë në shtëpi Chicago Fire. /Telegrafi/