Ministri i Mbrojtjes Armend Mehaj ka qëndruar sot për një vizitë te familjarët që humbën më të dashurit e tyre në tragjedinë e autobusit në Struma të Bullgarisë.
“Sot isha pranë vëllezërve tanë, familjarëve që humbën më të dashurit e tyre në tragjedinë që ndodhi në Bullgari".
"Isha për të lehtësuar dhe ndarë dhembjen me ta, bashkë me nderimin pranë varreve të familjarëve të tyre. Të kemi gjithmonë mëshirën e Zotit të Madhërishëm e qoftë i përjetshëm kujtimi për ta!”, shkruan Mehaj në Facebook.
Ndryshe, si pasojë e zjarrit që shpërtheu në një autobus që po kthehej nga Bullgaria për në Maqedoninë Veriore, kanë humbur jetën 45 persona dhe shtatë të tjerë janë lënduar.
