Mbappe e cilëson Messin si ‘më të mirin në botë’, thotë se e meritoi Topin e Artë

Kylian Mbappe lavdëroi Lionel Messin duke e cilësuar si “më të mirin në histori” dhe këmbënguli se ai “e meritonte” Topin e Artë 2023, pas heroizmave të tij në Kupën e Botës me Argjentinën.

Superylli argjentinas fitoi Topin e Artë të tij të tetë në Paris dy javë më parë, pasi udhëhoqi kombin e tij në podiumin e Kupës së Botës 2022 në Katar. Ka pasur një debat të konsiderueshëm për Messin që fitoi çmimin prestigjioz individual ndaj Erling Haaland, i cili pati një rekord të golave ​​me Manchester City dhe madje i udhëhoqi ata drejt tripletës.

Megjithatë, Mbappe pohoi se fitimi i Kupës së Botës bën ndryshimin, pavarësisht arritjeve të Haalandit me Cityn.

Duke folur për gazetarët, Mbappe u shpreh: “Siç thashë, unë nuk jam dikush që ka frikë. Nuk kam asnjë problem, renditja është ajo që është. Messi e meriton atë. Kur Messi fiton Kupën e Botës, Messi duhet të fitojë Topin e Artë. Ai është një nga lojtarët më të mirë në histori, nëse jo më i miri”.

“(Erling) Haaland pati një sezon të mrekullueshëm, edhe unë gjithashtu, por pas fitimit të një Botërori, nuk krahasohet. Natën e 18 dhjetorit e dija se kisha humbur Kupën e Botës dhe Topin e Artë. Leo e meritonte atë”, vazhdoi ai.

Admirimi i Mbappes për Messin shkon përtej konkurrencës, duke zbuluar një respekt të thellë për karrierën e argjentinasit. Pavarësisht se janë rivalë për çmimet prestigjioze,ata kanë krijuar një shoqëri gjatë kohës së tyre së bashku në Paris Saint-Germain./Telegrafi/