MASH-i kumtoi rezultatet preliminare për vendosje në shtëpitë e nxënësve

Ministria e Arsimit dhe Shkencës sot i kumtoi rezultatet preliminare nga Konkursi për pranim të nxënësve në shtëpitë publike të nxënësve për vitin shkollor 2017/2018, përcjell Telegrafi Maqedoni.

‘Pas shpalljes së listave me nxënës të ranguar nëpër shtëpi, nxënësit kanë të drejtë ankese në afat prej tre ditësh, e cila parashtrohet në Ministrinë e Arsimit dhe Shkencës drejtuar Komisionit për shtëpi të nxënësve për shkollat e mesme. Pas përfundimit të afatit për parashtrim të ankesave më 27.07.2017, Ministria e Arsimit dhe Shkencës do ta shpallë listën përfundimtare të nxënësve të pranuar në shtëpitë publike të nxënësve’, sqarohet në kumtesë.

Nëse mbeten të paplotësuara kapacitetet vendosëse në një shtëpi të caktuar, paraqitja elektronike do të jetë aktive prej 28 korrikut deri më 4 gusht apo derisa të ketë vende të lira, për çka vazhdimisht në web-faqen e MASH-it do të publikohen lista me nxënës të pranuar, njofton AIM.

Informata më të hollësishme për parashtrim të ankesës apo konkursit mund të gjenden në faqen e FB të MASH-it. Poashtu edhe në numrin e telefonit 02/3140-147 apo në adresën elektronike sefa.sadije@mov.gov.mk

Rezultatet preliminare janë publikuar në http: mon.gov.mk/index.php 2014-07-23-14-03-24/vesti-i-nastani/2082-2017-2032. /Telegrafi/