KEDS me policinë në terren, kryejnë kontrolle për keqpërdorimet e energjisë

Ekipe të KEDS-it janë bërë bashkë me pjesëtarë të Policisë, konkretisht Njësisë Speciale të Policisë së Kosovës këtë të enjte.

Në terren, këtë herë në rajonin e Mitrovicës, kontrolluan disa objekte nën dyshimet për keqpërdorim të energjisë elektrike.

Kontrollet, fillimisht tu kryen në një pompë derivatesh në hyrje të Vushtrrisë, dhe pjesëtarët e policisë, u desh të i tregojnë një punëtori aty se nuk kanë nevojë për leje nga pronari.

Por edhe ashtu, gjithçka në rregull rezultoi në ndalesën e parë e ngjashëm ishte situata edhe në pompën tjetër të derivateve, në fshatin Galicë të Vushtrrisë.

Me bashkëpunimin e pronarit, kontrollet u kryen edhe brenda objektit e edhe tek ora e në çati.

Lokacioni i fundit ka qenë në një lokal në fshatin Shipol të Mitrovicës, në një biznes ku dyshohej për lidhje të dyshimtë.

Detajisht u kontrollua gjithçka nga ekipet e KEDS-it, por as këtu nuk u gjet ndonjë keqpërdorim.

Pjesëtarët e Policisë së Kosovës nuk patën nevojë të intervenojnë në asnjë rast, dhe gjithë situatën e monitoruan nga distanca.

Aksionet e tilla, sipas zëdhënësit të KEDS-it ,Lulzim Krasniqi, janë intensifikuar.

“KEDS  së fundi ka rritur kontrollet për keqpërdorim të energjisë elektrike në tërë Kosovën, dhë janë diku rreth 50 ekipe të cilat realizojnë mesatarisht 400 kontrolla në ditë, ku prej tyre dalin 30 ose 35 raste që keqpërdorin energjinë elektrike”, ka thënë Krasniqi.

Krasniqi tregon se cilat janë pasojat nëse zihen qytetarët duke e vjedhur rrymën.

“Varet prej sasisë së energjisë së cilën dyshohet ose llogaritet se është vjedhur, por janë më gjobë dhe deri në 3 vite burg”, ka shtuar Krasniqi.

KEDS realizon kontrolla të tilla me Policinë e Kosovës më rastet kur vlersojnë se mund të ketë rezistencë ose ka pasur më herët nga konsumatorët.