Lindi pak minuta para, por është më i vogël se vëllai binjak

Kur dy binjakë lindin, njëri që ka lindur pak minuta më para është më i madh se tjetri, por nuk është rasti i këtyre vëllezërve. Ka një arsye të çuditshme se pse këta binjakë janë të dy më të mëdhenjtë.

Por lind pyetja si? Fillimisht duket si një lojë për mendjen, por në fakt është çështje kohe. Mediat ndërkombëtare shkruajnë se Samuel dhe Ronan lindën të dielën më 6 nëntor.

Ato kanë prindër Emily dhe Seth Peterson. Çifti arriti në spitalin “Cape Cod Hosptial” në Massachusets. Ndërsa në lidhje se pse janë të dy më të mëdhenjtë, shpjegimi është tek koha.

Samuel lindi në orën 1:39 të natës, ndërsa Ronan 31 minuta më vonë. Pra logjikisht Samuel është më i madhi apo jo?

Ja pra, që nuk është ashtu. Në kohën që Emily lindi Ronan, ishte momenti kur ndërrohej ora, për shkak të orës verore në Amerikë. Kështu Spitali “Cape Cod” postoi një foto të prindërve të rinj në rrjetin soclial “Facebook”, bashkë me rebusin për fëmijët. Dhe kjo tërhoqi mjaft vëmendje.

Lidhur me këtë, babai i foshnjave është shprehur: “Unë e thashë dhe më herët atë natë, ose të dy do të lindin në ditë të ndryshme, ose do të hyjë në lojë ndryshimi i orës”, transmeton shekulli.

Ndërsa mamia e maternitetit, Deb Totten, tha se është hera e parë që ajo kishte parë një gjë të tillë, në 40 vite pune. “Është një koincidencë e rrallë, por ja që ndodh. Megjithatë nuk është një gjë që mund ta planifikosh”, ka shtuar ajo.