Laptopët e rinj, 50 për qind jetë më të gjatë të baterisë

Windows 8 nuk ka bërë shumë për t’i tërhequr njerëzit të blejnë pajisje elektronike, si laptop apo kompjuterë personal, dhe për këtë kryesisht pasojat i bartin kompjuterët personal, shitjet e të cilëve janë në rënie.

Edhe pse Windows 8.1 i Microsoft e ka bërë platformën e re pak më joshese, pas debutimit të saj gjatë vitit, përdoruesit individual dhe ata të bizneseve së shpejti do të kenë edhe një arsye të mirë për t’i përditësuar pajisjet e tyre.

Sipas Rani Borkar, nënkryetar i grupit të Intel Architecture, thotë se procesorët e gjeneratës së ardhshme Haswell do tu ndihmojnë laptopëve të kenë 50 për qind më shumë jetëgjatësi të baterisë në punë, dhe deri në 20 herë më shumë jetëgjatësi gjatë kohës kur laptopi është jo-aktiv.

Këta numra tingëllojnë shumë të mirë për të qenë të vërtetë, por Borkar thotë se përmirësimet e efikasitetit të mundësuar nga procesorët Hasëell nuk do ta afektojnë performancën. Intel pritet të debutojë me procesorët Haswell muajin e ardhshëm në panairin vjetor të tregtisë – Computex./ Telegrafi /