Kompania Rajonale e Ujësjellësit “Mitrovica” ka reaguar lidhur me ankesat e konsumatorëve për mungesë të furnizimit me ujë të pijes.
Përmes një njoftimi, KRU “Mitrovica” ka bërë të ditur se ky problem ka të bëjë me keqpërdorimin e ujit të pijes nga ana e konsumatorëve të pa ndërgjegjshëm, shkruan Telegrafi.
“Zgjidhja e vetme e këtij problemit gjendet tek përdorimi racional i ujit të pijes dhe mos keqpërdorimi i tij”, thuhet në njoftim.
KRU “Mitrovica” u ka bërë sërish apel të gjithë konsumatorëve që ujin e pijes ta kursejnë dhe ta përdorin sa më racionalisht.
“Nëse të gjithë ne e respektojmë këtë parim, atëherë ujin e pijes do ta kemi në dispozicion të gjithë”, thuhet tutje në njoftim. /Telegrafi/
