Kosova 2-1 Republika e Çekisë, rezultati dhe statistikat e ndeshjes

Përfaqësuesja e Kosovës e ka mposht Republikën e Çekisë në stadiumin ‘Fadil Vokrri’ me rezultat 2-1 në kuadër të kualifikimeve për Euro 2020.

Të parët ishin mysafirët që kaluan në epërsi në minutën e 16-të me anë të Patrik Schick, pas asistimit që pranoi nga Jakub Jankto.

Por, epërsia e çekëve zgjati vetëm katër minuta, me Vedat Muriqin (20’) që i barazoi shifrat në 1-1, me një aksioni të filluar nga Bersant Celina, derisa Elbasan Rashani asistoi te goli.

https://www.instagram.com/p/B2HInN5oeBT/

Pjesa e parë përfundoi me një lojë të hapur dhe të baraspeshuar nga të dyja përfaqësueset, ndërsa e dyta ishte e rezervuar e gjitha për ‘Dardanët’.

Në minutën e 66-të u krijua një skemë për t’u lavdëruar dhe Kosova kaloi në epërsi. Valon Berisha asistoi te Mërgim Vojvoda, i cili realizoi me të majtën.

https://www.instagram.com/p/B2HP6POo-uG/

Çekët e kishin posedimin e topit, mirëpo Përfaqësuesja jonë i kishte rastet për gol, ku dy prej ty i konkretizuan mjaftë mirë për t’i marrë tri pikë në kuadër të Grupit A.

Padyshim edhe Arijanet Muriqi i kishte merita të mëdha, që bëri disa pritje vendimtare në fund.

Lexo po ashtu Tjetër sukses i Kosovës në Grupin A, mposht me shumë spektakël Republikën Çeke në 'Fadil Vokrri'

Pas tri ditësh, ‘Dardanët’ do të takohen me Anglinë në ‘St Mary’s Stadium’ të Southamptonit, e që do të jetë një përballje e vështirë për tanët.

Kosova me këtë fitore është lider i Grupit A me tetë pikë, Anglia që sonte do të përballet me Bullgarinë me gjashtë, aq sa ka edhe Republika e Çekisë, derisa Mali i Zi dhe bullgarët kanë nga dy. /Telegrafi/