Komuna e Istogut ka arritur një sukses të rëndësishëm duke u shpallur përfituese e Grantit të Performancës Komunale me vlerë 520,938.93 euro.
Ky grant është siguruar nga Ministria e Administrimit të Pushtetit Lokal (MAPL) në bashkëpunim me donatorë si Bashkimi Evropian, Agjencia Zvicerane për Zhvillim dhe Bashkëpunim, dhe Ambasada e Suedisë.
Komuna e Istogut, përmes një njoftimi në Facebook, ka bërë të ditur këtë arritje duke theksuar rëndësinë e saj për komunitetin.
“Ky sukses i komunës do të shërbejë për projekte që i japin prioritet zhvillimit të komunës sonë dhe përmirësimit të jetës së qytetarëve. Kryetari i Komunës Ilir F. Ferati falënderon shërbyesit civil dhe grupin punues për performancë, të cilët me përkushtim dhe profesionalizëm, kanë qenë pjesë kyçe e këtij suksesi”, thuhet në njoftimin nga komuna.
Ky grant do të kontribuojë ndjeshëm në përmirësimin e infrastrukturës dhe shërbimeve për qytetarët e Istogut.
