Mbi 18.500 qytetarë kanë hyrë në vendkalimin kufitar Tabanoc, ndërsa mbi 8.500 janë larguar nga mesnata e djeshme deri në orën 10:00 të ditës së sotme, njoftojnë nga Ministria e Brendshme.
Frekuenca më e lartë ka qenë dje pasdite dhe gjatë natës. Sipas të dhënave të MPB-së, në periudhën nga mesnata e datës 23 dhjetor deri në orën 10:00 të ditës së sotme, në pikëkalimin Tabanoc në vend kanë hyrë 18.551 udhëtarë, ndërsa kanë dalë 8680 udhëtarë. Fundjavën e kaluar filloi fluksi i shtuar i hyrjes së udhëtarëve, para së gjithash të qytetarëve të Maqedonisë, të cilët po kthehen në vend për pushimet e fundvitit.
Ndryshe, pasditen e sotme kolona të automjeteve janë vërejtur edhe në pikën kufitare Bllacë.
NGA 23 DHJETOR 00:00 DERI NË ORËN 10 TË MËNGJESIT TË SOTËM
| PIKËKALIMI KUFITAR | HYRJE E SHTETASVE TË RMV-SË | HYRJE E SHTETASVE TË HUAJ | DALJE E SHTETASVE TË RMV-SË | DALJE E SHTETASVE TË HUAJ |
| TABANOC | 13.007 | 5.544 | 4.259 | 4.421 |
