Randal Kolo Muani ka pranuar se ëndrra e tij është të luajë për një klub të madh, mes sezonit të tij mbresëlënës për Eintracht Frankfurt.
Sulmuesi 24-vjeçar ka shënuar 16 gola dhe ka realizuar 14 asistime deri më tani këtë sezon, duke tërhequr interesin e Manchester United. Trajneri Erik ten Hag do të jetë në treg për një sulmues të ri këtë verë pas largimit të Cristiano Ronaldos në nëntor.
Objektivi kryesor i holandezit është Harry Kane, por alternativat për kapitenin e Anglisë janë duke u eksploruar me Tottenhamin që mendohet se i ka vënë një çmim prej 115 milionë eurosh. Muani është shfaqur si një opsion i mundshëm mes paraqitjeve të tij mahnitëse.
Dhe francezi tani duket se ka hapur derën për një lëvizje në Old Trafford. Muani është aktualisht në detyrë ndërkombëtare përpara kualifikimeve të para të Francës për Euro 2024 dhe ai ka shfaqur shpresat e tij për hapin tjetër të karrierës së tij në të ardhmen e afërt.
“Ne flasim shumë për këtë tashmë, por unë përpiqem të jem i fokusuar te klubi im. Ne vazhdojmë paraqitjet tona dhe do të shohim këtë verë. Më pas, gjithmonë kam ëndërruar të luaj në klube të mëdha”, deklaroi ai për L’Equipe kur u pyet për raportimet që e lidhin atë me një largim.
“Mendova se do të më duhej pak kohë për t’u përshtatur, ndoshta një vit. Por, gjithçka shpërtheu. Sido që të jetë, jam gati për çdo sfidë. I kërkoj klubit të më jap statistikat e mia për ndeshjet çdo herë”.
“Unë e ndaj këtë me trajnerin tim fizik për të ditur se çfarë të përmirësoj. Unë shënoj shumë gola dhe asistime, por nuk është në nivelin ku duhet të jem. Më mungon ende shumë. Ky është vetëm sezoni im i tretë (i plotë) si profesionist”, ka vazhduar ai.
Javën e kaluar u raportua se United po bëhet gati që të ofrojë 120 milionë euro te Frankfurti në një përpjekje për të nënshkruar me Muanin. Sipas SportBild, United po udhëheq garën për nënshkrimin e tij dhe janë gati ta bëjnë atë nënshkrimin e tyre rekord. /Telegrafi/