Katër skuadra të mëdha evropiane do ta ndjekin nga afër Muriqin në derbin ndaj Beshiktashit

Vedat Muriqi vazhdon të jetë në qendër të vëmendjes në Turqi falë formës së mirë të treguar.

Sulmuesi nga Kosova ka shkëlqyer që pas transferimit te Fenerbahce me gola për klubin nga Stambolli.

Vetëm në elitën e futbollit turk prizrenasi ka shënuar nëntë gola duke qenë ndër golashënuesit më të mirë të kampionatit.

E falë formës fantastike interesim për të kanë shfaqur skuadra të mëdha evropiane.

Eintracht Frankfurt, Monaco dhe Leicester City e kanë përcjellë nga afër javën e kaluar Muriqin, ndërsa të dielën do të jenë katër skuadra tjera të mëdha për ta parë yllin e Kosovës.

Lexo po ashtu Muriqi shkëlqeu me dy gola, tri skuadra të mëdha e panë nga afër sulmuesin kosovar

Gazeta e përditshme turke Fanatik ka raportuar se Napoli, Lazio, Atletico Madrid dhe Tottenham Hotspur do t’i dërgojnë agjentët e tyre në Stamboll për ta parë nga afër shtatlartin.

Fenerbahce do të luaj të dielën para tifozëve të vet derbin e madh të qytetit ndaj Besiktasit.

Muriqi pritet të jetë titullar në këtë takim që zhvillohet të dielën dhe mbetet të shihet nëse do të shënoj gol.

Fenerbahce e vlerëson shumë yllin kosovar, por është gati ta lë të lirë nëse vije një ofertë mbi 25 milionë euro. /Telegrafi/