Një nga prezantueset më të njohura meksikane të lajmeve është kërcënuar me vdekje nga një prej kartelëve më të fuqishëm të drogës – krejt kjo pasi nuk po u pëlqen se si ajo po i qaset temave dhe raportimeve për krim në vend.
Një video e postuar të hënën në rrjetet sociale, shfaq gjashtë persona të maskuar dhe të armatosur, duke pretenduar se janë anëtarë të kartelit Jalisco New Generation, transmeton Telegrafi.
Personat e maskuar iu drejtuan gazetares së Milenio Television, e cila prej kohësh raporton për krimin e organizuar dhe kartelët e drogës që kanë pushtuar shtetin meksikan Michoacan.
“Nuk jam kundër lirisë së shprehjes, por jam kundër kujtdo që më sulmon drejtpërdrejtë për shkak se po marrin para nga grupet tjera”, dëgjohet duke thënë njëri prej të maskuarve.
Por nuk dihet nëse personi që lexonte letrën ishte kreu i kartelit, ai përmendi me emër gazetaren e Milenio, Azucena Uresti, që në mënyrë të drejtpërdrejtë e sulmoi kartelin që njëherit kërkohet nga autoritet amerikane.
“Ti, Azucena Uresti, një gjë dua ta dish, mos u bë idiote dhe qetësohu – sepse të siguroj se nëse nuk e bën një gjë të tillë dhe vazhdon të më sulmosh – do të gjej dhe të bëjë të hash fjalët e tua”, thuhet ndër tjera në mesazhin kërcënues. /Telegrafi/
