Juve dëshiron Martialin, por problem mund të jetë çmimi i tij

Mendohet se Juventusi është i interesuar në Anthony Martial, por Manchester United do të kërkojë të paktën 57.6 milionë funte apo 65 milionë euro për ta lënë të lirë atë.

Juventusi nuk dëshiron të ndalet së përforcuari skuadrën dhe që nga tani po mendon për sezonin e ri.

Talenti francez i Unitedit, Martial është i fundit që ka përfunduar në radarin e tyre dhe e duan në skuadër.

Lexo po ashtu Nedved takon përfaqësuesin e Anthony Martialit

Pavel Nedved, zëvendëspresidenti i bardhezinjve u pa në takim me Nelio Lucas të Doyen Sports javën e kaluar, kur Juventusi ishte në Londër për t’u përballur me Tottenham Hotspur.

Martial është një nga klientët e Doyen dhe raportet e Premium Sport thonë se francezi i ri ishte ai për të cilin pati në diskutim në Londër mes përfaqësuesve.

Kontaktet po vazhdojnë, por bllokimi do të jetë nga Djajtë e Kuq, të cilët do të kërkojnë rreth 65 milion euro për të shitur.

Lexo po ashtu Lista prej 20 futbollistëve më të vlefshëm në botë nën 21-vjeç, nga Mbappe si më i shtrenjti e deri tek Alli, Dembele, Donnarumma dhe Asensio (Foto)  

Kontrata e Martialit përfundon në verën e 2019, edhe pse ka një mundësi rinovimi edhe për një vit të mëtejshëm.

Ndryshe, Martial u ble rreth 60 milionë euro nga Monaco, por me disa bonuse tjera thuhet se ka shkuar rreth 80 milionë euro. /Telegrafi/