BE-ja e ka furnizuar Ukrainën me mbi 980,000 predha, thotë Borrell

Bashkimi Evropian i ka furnizuar Ukrainës me më shumë se 980,000 predha për luftën me Rusinë dhe planifikon të kalojë shifrën prej 1 milion deri në fund të këtij viti.

Kjo, sipas mediave të huaja, përcjell Telegrafi, është bërë e ditur nga shefi i politikës së jashtme të BE-së, Josep Borrell.

BE-ja fillimisht vendosi të furnizojë 1 milion predha artilerie 155 mm deri në mars 2024, por zyrtarët më vonë thanë se kapaciteti i prodhimit ishte i pamjaftueshëm për të përmbushur objektivin.

“Unë e di se ne morëm një angazhim për të arritur këtë nivel deri në pranverë – dhe dështuam. Por ne mund ta bëjmë atë deri në fund të vitit”, ka thënë Borrell për median e Ukrainës European Pravda.

Kryeministri çek Petr Fiala ka thënë se një nismë e veçantë e udhëhequr nga Praga do të ketë dorëzuar 500,000 predha në Ukrainë deri në fund të vitit.

Ukraina ka rritur gjithashtu prodhimin vendas të mbrojtjes në përpjekje për të reduktuar varësinë e saj nga ndihma ushtarake nga aleatët e saj dhe për të siguruar furnizime në kohë.

Zyrtari më i lartë i armëve i Kievit tha se Ukraina ka rritur prodhimin e predhave nga zero para fillimit të agresionit të Rusisë në miliona në vit tani. /Telegrafi/