IPKO lanson SuperDuo Plus, pakot me të gjitha në një për çdo anëtar të familjes

IPKO sot ka prezantuar pakot e reja SuperDuo Plus, të cilat ofrojnë përvojë unike për të gjithë anëtarët e familjes, brenda dhe jashtë shtëpisë.

Pakot e reja SuperDuo Plus janë krijuar për të mundësuar komunikim të pakufizuar deri për 5 anëtarë të një familje kur ata janë jashtë shtëpisë, ndërsa në shtëpi poashtu ata kanë produktet më të mira të IPKO-së në një pako të vetme; qindra kanalet më të mira vendore dhe ndërkombëtare me përmbajtjen më ekskluzive, si dhe shpejtësi të rritur të internetit deri në 25Mpbs.

Përveç komunikimit të plotë dhe të pakufizuar brenda rrethit familjar, anëtarët e një familje 5 anëtarëshe për të parën herë mund të bashkëshfrytëzojnë 500 minuta brenda rrjetit IPKO, 500 sms me të gjithë operatorët, si dhe 3GB internet në mobil.

“Duke e ditur se mesatarja e familjeve kosovare është deri në 5 persona, ne i kemi avancuar edhe më shumë pakot SuperDuo në mënyrë që ato t’i plotësojnë nevojat e secilit anëtarë të familjes, me produktet dhe shërbimet që ata i përdorin. SuperDuo është pako e standardit të ri në industri që ofron të gjitha në një me shumë benefite që mund të përdoren nga 5 anëtarë të familjes apo edhe më shumë” ka thënë Alban Kastrati, drejtues i marrëdhënieve me publikun në IPKO.

Pavarësisht nëse konsumatorët zgjedhin të shohin ndeshjet më të mira të futbollit apo filmat më të mirë në kanalet e dedikuara apo Video On Demand, të shfletojnë internetin 3G dhe 4G apo atë në shtëpi me shpejtësi deri në 25Mbps, të kenë biseda të gjata ose shkëmbejnë shumë SMS me familjen apo të afërmit e tyre brenda dhe jashtë rrethit familjar, SuperDuo Plus është pakoja e vetme në treg që ua mundëson secilit anëtar të familjes të shijojë shërbimet që atyre iu duhen kudo dhe kurdo, në mënyrën që atyre ju përshtatet më shumë.

Pakot e reja Super DUO Plus:
· Super Duo Familjare HD – 24.00 euro (me shpejtësi të rritur të initernetit, prej 15 në 20 Mbps)
· Super Duo Premium – 28.00 euro (me shpejtësi të rritur të initernetit, prej 15 në 20 Mbps)
· Super Duo Premium HD – 29.90 euro (me shpejtësi të rritur të initernetit, prej 20 në 25 Mbps)
· Per vetem 10 euro me shume ne muaj klienti merr edhe oferten e GSM:

Super Duo Plus është ofertë 12 mujore me kontratë, në të cilën abonuesit faturohen në baza mujore me datën 1 për muajin paraprak.

Pasurimi i pakove Premium:
Përmirësimet e fundit në pakon Premium kanë parë një pasurim të konsiderueshëm me ofrimin edhe të Video On Demand (me mbi 4,000 filma, dokumentarë dhe muzikë), DigiGold, TVim, Catchup TV dhe kanalet Discovery, pa asnjë pagesë shtesë për përdoruesit, të cilët tashmë kanë ekskluzivisht gjithë filmat e fundit, ngjarjet më të mëdha sportive, dokumentarët dhe kanalet e vendore dhe ndërkombëtare të lajmeve, duke përfshirë edhe kanalet në cilësinë HD.

Televizioni digjital IPKO mbetet oferta më tërheqëse për tregun e Kosovës, sa i përket fotografisë, zërit, numrit dhe cilësisë e kanaleve, përmbajtjes ekskluzive, sinjalit, dhe risitë që sjell për të gjithë shikuesit. /Telegrafi/