Imazhi që po shokon botën: Njëri nga sulmuesit mbante një rrip të mbushur me eksploziv (Foto)

Një fotografi e publikuar në rrjetet sociale por edhe nga BBC, ka shokuar botën e në veçanti Britaninë, në të cilën shfaqet një burrë i shtrirë në tokë në rrugët e Londrës, ku në bel kishte të ngjitur një rrip të mbushur me eksploziv, por i cili raportohet se është qëlluar nga policia, shkruan Metro.

Në tre sulmet e Londrës kanë humbur jetën shtatë persona dhe mbi 20 tjerë janë lënduar, kur një furgon i bardhë shtypi këmbësorët në urën e Londrës, dhe më pas dolën tre deri në pesë persona nga ky furgon dhe filluan të therin me thika kalimtarët e rastit, duke u ndarë në lokacione të ndryshme, transmeton Telegrafi.

Raportohet se policia angleze ka qëlluar për vdekje dy nga pesë sulmuesit, që sulmuan qytetarë të pafajshëm në rrugë dhe restorante.

Ndërkaq në foton e publikuar që po bon xhiron e botës, dyshohet të jetë njëri nga sulmuesit që rreth belit ka të ngjitur një rrip me eksploziv. Kjo fotografi është postuar në Twitter nga Chrissie Channel, ndërsa autori i kësaj fotografie është Gabrilele Sciotto. /Telegrafi/