Harry Kane i suksesshëm edhe jashtë fushave – ai ka fituar milionat falë biznesit të tij personal

Harry Kane është bërë pjesë e listës së personave të pasur nga The Sunday Times, pasi biznesi i tij personal e ka ndihmuar atë që të fitoj miliona euro jashtë futbollit.

Kjo listë e titullar ‘The Sunday Times Rich List ’40 Under 40’, e personave nën moshën 40-vjeçare, shfaq personat e famshëm britanik nga fusha të ndryshme si muzika, sporti dhe biznesi.

Shtatë herë kampioni i botës në Formula 1, Lewis Hamilton, është personi më i pasur në këtë listë, me një pasuri prej 350 milionë eurosh.

Ndërkohë, ylli i Bayern Munich, Harry Kane, është pjesë e listës në vendin e 35-të, teksa pasuria e tij qëndron rreth 76 milionë euro në krahasim me vitin paraprak (51 milionë euro).

Rich List detajon se si kapiteni i Anglisë ka fituar miliona euro jashtë fushave të futbollit, kjo falë një biznesi të tij personal.

Lexo po ashtu Harry Kane emëron ish-yllin e Liverpoolit si lojtarin më të nënvlerësuar ndaj të cilit ka luajtur

Sipas The Sun, Kane ka akumuluar një portofolio pronash, që sipas të dhënave nga shkurti i vitit të kaluar, kap vlerën e 13.1 milionë eurove.

Është thënë se kompania mban emrin Edward James Investmens, Edward që është emri i mesëm i Kane, kompani të cilën e mban së bashku me prindërit dhe vëllaun e tij.

Kane nuk është i vetmi reprezentues anglez i cili ka krijuar biznes pronash, pasi edhe ish-ylli i Manchester Cityt, Micah Richards, ka qenë i përfshirë në biznesin e pronave që nga mosha e hershme./Telegrafi/