Hamiti: Shpend Ahmeti po rren (Video)

Asamblisti i LDK-së në Kuvendin Komunal të Prishtinës, Sami Hamiti, ka thënë se kryetari i Komunës, Shpend Ahmeti po e gënjen opinionin sa i takon projektit për trafikun urban.

“Ky ka qenë projekt i LDK-së, është ftuar nga asamblistët e LDK-së që të votohet dhe të kryhen obligimet konfrom ligjit për borxhet publike, mirëpo është penguar nga Ahmeti dhe Vetëvendosje”, ka thënë Hamiti në Rrokum Roll, duke shtuar se edhe sot në Kuvend Komunal është sjellë me propozim të LDK-së dhe se Ahmeti ka dashur të blejë autobusë me kredi të Isa Mustafës e Avdullah Hotit.

Këtë gjë Hamiti e ka quajtur manipulim të Ahmetit tash e disa muaj, duke thënë se ai me paditurin e tij e ka lënë pezull këtë çështje për 2 vjet.

Sipas, Sami Hamitit ky projekt është i LDK-së e jo i Shpend Ahmetit. “Padyshim që është i yni, veç performancat ndryshojnë”, tha ai.

Se komunat duhet të grantojnë për kredi, Hamiti e tregoi edhe një ligj të nënshkruar nga ministri Avdullah Hoti, ku thuhet se kredia e komunës duhet të garantohet edhe nga shteti edhe nga komuna.

Duke i quajtur pionierë fashistë të viteve të 20’ta, Hamiti vlerësoi se VV bashkë me Shpend Ahmetin me këtë çështjen e autobusëve po e bëjnë vetëm për të krijuar zhurmë mediatike.

Hamiti vlerësoi se për këto dy vite e gjysmë, Shpend Ahmeti nuk ka bërë asgjë për Prishtinën. /Telegrafi/

https://www.youtube.com/watch?v=tCj-dTzcK30