Gjithnjë e më pak gjelbërime në Tetovë, parqet shndërrohen në beton
Komuna e Tetovës me shpërndarjen e të punësuarve nga administrate në ndërmarrjet publike do të tentojë të gjidh problemin me mungesën e kuadrit e cila sipas informacioneve është një nga shkaktarët për mungesën e higjienës dhe mbajtjes së gjelbërimit në qytet.
Kryetarja e komunës së Tetovës Teuta Arifi disa herë ka theksuar se ka mungesë edhe të punësuarve në ndërmarrjen parqet dhe gjelbërimi, sepse një numër shumë i vogël i punëtorëve, kujdesen për një qytet ku gravitojnë rreth 100 mijë qytetarë.Ajo ka nënvizuar se ky proces duhet të fillojë me shpërndarjen e administratës nëpër ndërmarrje publike por pa precizuar se kur do të fillojë ky proces.Tetova kësisoj ngel pa hapësira të gjelbra viteve të fundit.Të njëjtat shkatërrohen në mënyrë të pamëshirshme.
Një nga parqet më të gjata përgjatë rrugës Boris Kidriç duke filluar nga Qendra për Kulturë deri tek Qendra Sportive, tashmë vieteve të fundit është përfshirë nga ndërtimet dhe zaptimet e tavernave. Një pjesë tashmë është rregulluar si parking ndërsa përgjatë rrugës janë vendosur edhe mburoja prej metali për ndërtimet që zhvillohen.
Qytetarët theksojnë se me ndërtimet e reja në qytet dëmtohen hapësirat e gjelbra të cilët përvetësohen nga investitorë duke mos lënë asnjë hapësirë të gjelbër apo parqe.Në Tetovë dëmtime të këtilla ka gjithandej sidomos në pjesët ku janë ndërtuar ndërtesa të mëdha.Kjo edhe viteve të kaluara sipas ekspertëve ishte një ndër arsyet kryesore të ndotjes për shkak të mos qarkullimit të ajrit.Nga komuna e Tetovës thonë se hapësirat e gjelbra do tu kthehen qytetarëve.
“NPK Tetova-Tetovë, do të del në teren , do të inspektojë dëmtimet dhe në bashkëpunim me investitorët të cilët ndërtojnë në atë pjesë do të kthehen hapësirat e gjelbra. Në Tetovë kemi diku rreth 41.123 metër katror sipërfaqe të gjelbra publike, por po ballafaqohemi me një problem, në të gjithë jemi të vetëdijshëm se uzurpohen në mënyrë të paskrupullt hapësirat publike mirëpo, tendenca jonë edhe si komunë edhe si ndërmarrje është që ata sipërfaqe ti ç`bllokojmë dhe ti kthejmë tek qytetarët”, thonë nga pushteti lokal në Tetovë.
Në qytetin e Tetovës I cili tashmë është shndërruar në asfalt, nuk respektohet as në minimum hapësira e gjelbër e cila sipas standardeve evropiane është që për kokë banori të ketë 16 metër kub hapësirë të gjelbër.Në të kaluarën në Tetovë ka pasur shumë parqe të cilët janë shfrytëzuar nga qytetarët, kurse kohëve të fundit ka mbetur vetëm ai pranë Xhamisë së larme, ndërsa së fundi është rregulluar edhe parku afër stacionit të autobusëve. Qyteti i Tetovës ndër vite po i humb edhe ato pak hapësira të gjelbëra që i ka. Pjesa dërmuese e hapësirave të lira të cilët kanë qenë me gjelbërim janë uzurpuar dhe në ato vende janë bërë ndërtime. Nga NPK-ja krahas kësaj thonë se për më shumë pastërti vendosin edhe shporta por ato dëmtohen.
“Shpesh herë kalimtarë të rastit dëmtojnë shportat dhe të njëjtat mund të them se janë në gjendje të mjerueshme. Prandaj në këtë drejtim duhet edhe një vetëdije më e lartë e qytetarëve që të mos i dëmtojnë ata sepse bashkërisht mund të kontribuojmë për një ambient më të pastër në qytetin e Tetovës”, thonë nga kjo ndërmarrje.
Tetova, që nga viti 1990 është kthyer në një qendër në Maqedoninë Perëndimore, si në aspektin tregtar poashtu edhe në aspekte të tjera, ngase pas hapjes së dy universiteteve dukshëm qyteti është zgjeruar, numri i banorëve është rritur, ndërsa gjithnjë e më pak ka hapësira të gjelbëra.
Lufta Prigozhin - Putin
Më shumëUshqimi për FSK-në - flet ministri i Mbrojtjes, Ejup Maqedonci
Eksperti i trafikut bën "ekspertizën" nga vendi ku ndodhi aksidenti tragjik me tre të vdekur, flet për shkaqet e mundshme
Ministri i Mbrojtjes thotë se kanë shpenzuar 238 milionë euro për blerje të armatimit: Ushtria po forcohet
Tahiri, Kurtit: Qeveria nuk ka pse të bëjë thirrje për kujdes vetëm pasi ndodhin humbjet e jetëve
Sveçla për kërkesën e Vuçiqit: As që bëhet fjalë për kthimin e ish-policëve të dorëhequr serb në veri
Ramadani: Ushtria jonë sot po ushqehet ashtu siç vetëm armiku gëzohet
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Barcelona do të tentojë transferimin e yllit të Bayernit të cilit i skadon kontrata në fund të sezonit
Njihuni me "ishullin parajsë" në Belize, ku çmimi për një shtëpi nuk është i lirë, por ka shumë për të ofruar
Ky është çifti që thuhet se u gjetën të vdekur, të përqafuar nën rrënoja - pas përmbytjeve shkatërruese në Bosnjë
Ukraina nuk do të anëtarësohet në NATO për sa kohë që unë jam në krye të qeverisë sllovake - thotë kryeministri Fico
Ushqimi për FSK-në - flet ministri i Mbrojtjes, Ejup Maqedonci
Tifozët e Man United po kërkojnë shitjen e një lojtari pas paraqitjes së dobët ndaj Aston Villës